磯野水產

营业中

休息中

我带咗个朋友去一间我都比较钟意嘅日本餐厅洗尘，呢间系喺铜锣湾 轩尼诗道525号 嘅矶野水产。我钟意嘅系呢度啲水产非常新鲜， 我叫咗个二人套餐再加只活生生嘅龙虾和一些小食。一开始佢哋将成盘水产连埋只龙虾拿上嚟畀我哋睇。 卖相好靓，最搞笑嘅就系当我地影影下相时，只食龙虾突然间飞奔向前， 跳咗出嚟令到我哋吓咗一吓，也抱腹大笑。。。赤虾刺身非常鲜甜，弹口。 个虾头攞咗去炸，非常脆口。虾膏超多好甘香。鲍鱼好鲜甜，不用汁也好好味。佢有两种食法，一种系矶煮， 不太咸并带点甜味。第二种系滨烧， 口感有点干但系鲜甜度并不减弱。味噌蟹甲罗烧， 即系烧蟹盖。超好味! 佢哋将蟹膏用火烧熟， 并且以青瓜配衬一齐食。又香又甜又惹味，食完一份真系好想再食第二份!活帆立贝滨烧，加埋啲牛油酱汁，又弹牙又可口。 牛油和帆立贝真系绝配!最值得一提就系个活龙虾刺身同埋甲罗烧龙虾头。 刺身鲜甜唔使讲。最有卖点就系佢哋嘅甲罗烧龙虾头。 酱汁，龙虾膏再加少少龙虾肉一齐真系绝配! 好好味啊!最后佢哋嘅番薯雪糕非常香甜，令我谂番起以前喺北海道食嘅日本烩番薯。呢间餐厅真系非常值得再来。虽然价钱有点贵，但系物有所值，我会再来。