常悅素食 (已搬遷) 新店位置

为同行嘅食素亲戚，过年后食番餐素就拣咗常悦，既合众人口味，亦可试真半时忽略嘅食材原味，更可让平时装住大鱼大肉嘅肠胃抖一抖！常悦摩登得哩唔会太过古灵精怪，菜式多专注于用材及烹调味道，唔会太花巧，比较啱我亲戚口味，因为佢真系食斋人，扮牛扮马嘅素菜佢唔啱，故此，我哋嗌嘢都系以食原味为主嘅素菜。先上两点心：沪色炸春卷、蒸香菇萝卜糕，前者无乜特别，但后者好正，食出清甜萝卜味，加埋柔软嘅质感同菇香，真系简单而食出真味嘅点心！炒两个小菜，都系想食材料原味，所以拣咗一个栗子鲜竹煲，另一个就系榄菜莲藕鲜冬菇，两者都好对板，前者栗子粉香，配上爽脆鲜竹笋，虽然口感各异，但味正又夹㖞，再者，酱料味不浓，先至唔会冚咗栗子同鲜竹笋嘅味！至于后者，榄菜咸咸香香，莲藕薄切炒得脆口，加埋肥大肉厚嘅鲜冬菇，唔错唔错嘅选择！得点心同小炒顶唔得饱，所以唔少得叫个饭，睇开食评赞哩个焗芋头饭好，梗要试试验明正身啦，乜都唔使讲，净系焗芋又粉又香已经够照，饭粒分明但唔干身，捞埋少少献汁哩食，果然好介绍。最后，总要点个糖水作结至觉得餐饭够完整，招牌生磨合桃露，二话不说就拣定系佢，钟意合桃味道嘅人一定爱死佢，原合桃生磨引出，爆发浓郁合桃