無肉食 (堡壘街) (已結業)

早前外国朋友回来，本来要在太安楼扫街吃到饱，只可惜D野唔会佢心水，最后只系食左两间就bye bye。于是我急忙补镬，即打去book无肉食，好彩闲日人不多，早半个钟打去都仲book到。由于用餐经验唔错，之后有再去光顾佐敦分店，不过感觉冇炮台山分店咁好。之前都有光顾过斋铺，不过自助餐都系第一次。其他斋铺系会有D扮肉的菜式，不过呢间系完全冇，简约路线。装潢和格调其实都不错，但由于我地系搭台，倾计有点不方便（2个人的话,你预多数要搭台）食物种类好多，亦refill得好快，令人忍唔住隔一阵就出去睇下有冇新野试。野饮都系得水或茶两种。沙律有惊喜，系用日本苹果。人人都话好抢手既冬瓜盅，其实refill得好快。菜就都几多选择，全部都系简单的煮法，有辣有唔辣，咖哩都有。甜品自助区。食食下突然见到佢拎呢个出黎，真系哗左一声，好似电视剧古代的宫廷菜。入面系炸芋头，出面果Ｄ系糖丝。。。呢个位炸野多，好邪恶，不过都忍唔住食左好多。整体黎讲系唔错，想食斋其实好多时都系想清清地，呢度都唔少清清地既选择。食完自己分类回收，环保又悭返少少人手，多Ｄ餐厅咁做就好。如果回收餐具处的字可以加返英文就更好，外国朋友看不懂呢。