文記車仔麵 (福榮街)

营业中

休息中

次次行過都想試，今次過左放飯時間黎，終於都食到啦。如果大家有電子支付，就建議去只提供電子支付個間到食，咁就唔洗排隊。今次叫左࿂豬耳豬大腸雞翼腩汁米線࿂湯頭清甜又唔油，幾香牛腩味。平時食車仔麵都唔叫雞翼食，見白鍾元叫先跟叫🤣又真係幾大件而且好入味。最有驚喜係豬腸，洗得乾淨又唔肥同好爽口。食到尾先記起要落文記菜蒲，菜蒲唔辣，撈埋麵食就口感更好。豬耳都好爽口。見好多人都有介紹食蘿蔔，大家都可以試下整體都幾好食，如果得閒過黎，都會食多次。