四眼仔腸粉

营业中

休息中

今日下午我们喺粉岭联和墟食完粉面之后，行过和隆街有间叫「四眼仔肠粉」嘅小食店贴著大大张话鱼蛋$3有7粒，猪皮$3有1份，心谂觉得真系超抵食呀，而且当时店内都有几多人排队等买，所以我们就买嚟食吓！我们买咗$3鱼蛋同$3猪皮，鱼蛋嘅质感食落好硬身而且系淡而无味，仲要有啲腥！至于妈咪最钟意嘅猪皮竟然爽口到唔似系猪皮咁，感觉有啲「怪怪地」，好似未煮熟咁，可能系因为有太多人买，未完全熟得熟，而味道亦都系一啲味都无，要靠啲咖哩汁嚟将味道带出，仲要唔系好似想像中咁好，真系令我们觉得非常失望呀！