翡翠拉麵小籠包 (已結業)

好耐冇食过翡翠拉面小笼包，知道IFC开左，千两又排长龙，决定试下这间。结果都系要排队，无计，可能IFC冇乜中式较经济的选择卦。等位地方完全冇櫈坐，又冇冷气，真系差D想放弃!!!! 最后等左几个字，终于有得入。是晚餐单﹕(1)鸡丝粉皮﹕D青瓜丝好幼细，麻酱份量及味道刚刚好，如果可以冻冻地就更好(2)镇江小排骨﹕一上枱，吓了一跳，因为颜色实在太橙太鲜艳，味道一般(3)担担面﹕不错，味道又香又浓(4)炖鸡汤面﹕个汤好清，斋饮会较好，个面好淡，都系一般的汤面好味D值得一提系D服务员，个个年纪都很后生，配合得好好。客人一差不多吃完，就会有不同既人埋枱清理；客人一叫埋单，就立时有一队人安排下轮。虽然有少少赶客feel，但都明白佢地只系想做多轮生意。老板请著这班伙记，真系饮得杯落。