烚時・滾動 (裝修中)

太子区数埋都差唔多20间打边炉，老婆话想食椰子鸡汤嘅边炉，上网揾一揾今次就去试吓呢间「烚时．滚动」，劲近地铁站出口，一分钟到达，交通非常方便。Menu 选择好多，而且有得食刺身同埋河鲜。「椰子鸡煲」椰子鸡汤非常之清甜，鸡肉又新鲜嫩滑，放埋鸡肉落去滚几滚鸡味再提升！正👍🏻👍🏻「美国顶级手切肥牛」一上菜𠮶吓心入面「哗」咗声！牛肉嘅油脂丰富仲分布得好靓，而且一啲都唔簿切，牛味同口感都好正！食到舔舔脷😋「蟹子虾滑、墨鱼滑」双拼难得有地方可以双拼虾滑同埋墨鱼滑👏🏻两样我都咁钟意食，份量都唔少又滑又弹牙😁「脆鲩鱼片」其他舖头嘅鲩鱼片多数细细片，但系佢哋嘅鲩鱼片全部都大大块，鲩鱼肉肉厚弹牙，相信一定满足晒钟意食鲩鱼片嘅食客。「莴笋、娃娃菜」新鲜嘅蔬菜但系特别要赞一赞佢哋嘅莴笋又甜又好食！最后感谢职员请我哋食咗少少「牛柳粒」同埋「炸响铃」，两样都好好味，成餐晚饭好满足！两个人平均消费$320左右（但系劲饱𠮶只）😝好过去食连销店啦，食材新鲜质素有保证。