真味鮮廚 (已結業)

难得约到几位好友食饭，当然拣一间包罗万有咩都有得食嘅餐厅😆我哋去咗观塘一间有得食鸡煲、刺身、海鲜、打边炉嘅酒楼，无限时不停系咁食，极之满足～首先上菜嘅系鸡煲，侍应即场帮忙炒呀炒，每人秒杀几件鸡件，鸡肉都算嫩滑入味，然后刺身有三文鱼、希灵鱼、甜虾、鲍鱼、带子同八爪鱼，十分丰富～放入胡椒汤，我哋就可以开始打边炉，海鲜拼盘好正，每人半只龙虾，一只大元贝、蛏子、仲有龙趸、鳝片、海虾，肉质相当新鲜～水饺好大只好足馅，虾滑食得出手打好爽好弹牙～唔够饱仲可以无限叫火锅配料，全场嘢饮任饮，$300左右食到咁多嘢性价比好高～