半島漁港/阿翁火鍋館 (南昌薈)

营业中

休息中

今日同朋友去南昌行街，行到攰攰哋，天气又突然转凉，梗系要打边炉暖吓身啦！🍲 我哋去咗南昌荟嘅半岛渔港/阿翁火锅馆，无限时任饮任食。一坐低，嗌份鸡煲，之后餐厅就送上每人一份炆鲍鱼西兰花。鲍鱼炆得入味，弹牙爽口；之后就到刺身拼盘，有三文鱼、带子、虾同赤贝，新鲜厚切，好满足！而海鲜拼盘都唔少嘢，有蛏子、生蚝、鲜虾、蟹、墨鱼，全部都好新鲜。打边炉我一定要食牛，呢度嘅牛颈脊，油脂分布均匀，肉质鲜嫩，牛味浓郁。另外至尊水饺皇皮够薄，虾肉爽口弹牙！任食区嘅嘢食真系琳瑯满目，有各式各样嘅丸类、海鲜、肉类、饺子、蔬菜同埋面类，例如青口、美国雪花肥牛、墨鱼滑、响铃、炸鱼皮、公仔面等等，而饮品方面都好多选择，有汽水、啤酒等等。整体嚟讲，餐厅环境舒适，食物质素高，下次会再嚟！