影片
更多
2024-03-16
471 浏览
今次食嘅套餐系渌鼎记一小宝套餐 （120分钟火锅放题），主菜可以选择老坛酸菜鱼或重庆鸡煲，亦可以加钱叫干锅海鲜什锦、清汤萝卜牛腩、藤椒烤鱼或椰奶鸡，上次喺观塘分店食过酸菜鱼，今次选择咗重庆鸡煲，辣度可以选择，叫咗BB辣。.上鸡煲之前首先会俾前菜，今次俾左凉拌青瓜同盐酥鸡粒。凉拌青瓜用左蒜蓉、辣椒、醋、酱油等调味，食落清爽又带酸辣味，好开胃。盐酥鸡粒脆到脆卜卜，外面洒满辣椒调味粉，食落少少辣，好香口。.鸡煲上一枱后店员帮手加热鸡煲，保证食客食到热辣辣的菜式，鸡肉好鲜嫩，唔会煮到过老，除咗鸡肉之外，用咗好多配料，有香菜、葱、洋葱、干辣椒、花椒、八角等多种香料烹调而成，食落非常之惹味而带点麻香，令人食到一啖接一啖！.食完鸡煲就可以去打边炉，火锅汤底有6种：鸭血麻辣锅、澳门猪骨锅、美人花胶锅、海皇海鲜锅、鲜茄薯仔牛肋条锅、姫松茸杂菌锅，我同朋友选择咗海皇海鲜锅。有别于传统鸡煲嘅食法，火锅汤底唔系直接加喺食剩嘅鸡煲上面，店员会直接换个新锅同汤底。海皇海鲜锅睇落鲜橙色，底下有好多鲜虾，食落虾味好浓郁！.火锅配料嘅选择都非常之多，有牛肉、猪肉、羊肉、海鲜、丸类、饺子、蔬菜等等，牛肉推荐安格斯极佳级精
今次食嘅套餐系渌鼎记一小宝套餐 （120分钟火锅放题），主菜可以选择老坛酸菜鱼或重庆鸡煲，亦可以加钱叫干锅海鲜什锦、清汤萝卜牛腩、藤椒烤鱼或椰奶鸡，上次喺观塘分店食过酸菜鱼，今次选择咗重庆鸡煲，辣度可以选择，叫咗BB辣。
.
上鸡煲之前首先会俾前菜，今次俾左凉拌青瓜同盐酥鸡粒。凉拌青瓜用左蒜蓉、辣椒、醋、酱油等调味，食落清爽又带酸辣味，好开胃。盐酥鸡粒脆到脆卜卜，外面洒满辣椒调味粉，食落少少辣，好香口。
.
鸡煲上一枱后店员帮手加热鸡煲，保证食客食到热辣辣的菜式，鸡肉好鲜嫩，唔会煮到过老，除咗鸡肉之外，用咗好多配料，有香菜、葱、洋葱、干辣椒、花椒、八角等多种香料烹调而成，食落非常之惹味而带点麻香，令人食到一啖接一啖！
.
食完鸡煲就可以去打边炉，火锅汤底有6种：鸭血麻辣锅、澳门猪骨锅、美人花胶锅、海皇海鲜锅、鲜茄薯仔牛肋条锅、姫松茸杂菌锅，我同朋友选择咗海皇海鲜锅。有别于传统鸡煲嘅食法，火锅汤底唔系直接加喺食剩嘅鸡煲上面，店员会直接换个新锅同汤底。海皇海鲜锅睇落鲜橙色，底下有好多鲜虾，食落虾味好浓郁！
.
火锅配料嘅选择都非常之多，有牛肉、猪肉、羊肉、海鲜、丸类、饺子、蔬菜等等，牛肉推荐安格斯极佳级精修肥牛，牛味浓，因为有比较多牛脂，食落口感好软嫩，好好食！仲有强烈推荐海带，海带超吸味，吸收晒汤底精华，食落口感滑嫩爽口，仲带好香浓的虾味，又低卡健康同好食！
.
除咗火锅配料选择多，饮品选择都好多，仲有自家家制竹蔗茅根，可以清下热气！
张贴
