相馬日式火鍋 (已結業)

一早订咗位星期日晚，同朋友打完波就去咗呢度食晚餐。点咗佢个无限时火锅放题5部曲。第一：带子茶碗蒸第二：惹味鸡煲第三：养生花胶鸡汤第四：蒸海鲜第五：任食火锅第一部曲茶碗蒸，馅料有带子、蟹柳、菇，上枱已经唔热，只系微暖，蛋味欠奉，整体稍逊。第二部曲鸡煲，材料有鸡、豆卜、菇，煮6分钟食得，鸡煲酱几香浓，咸中带微甜，鸡肉算滑，豆卜同菇捞埋个酱之后几好味，份量都算多，唔够仲可以再加。第三部曲花胶鸡汤，汤入面有4件花胶，但汤头偏咸。呢个汤之后会用嚟蒸海鲜同打边炉。第四部曲蒸海鲜，海鲜包括蛏子、鱼块、鲍鱼、蚬、青口、虾、扇贝。整体海鲜一般，不够鲜味，主要靠蒜蓉味。第五部曲任食火锅，用QR code落单，包括牛肉、豚肉、鸡腿肉、海鲜、日式炸物、日式烧物、单骨鸡翼，另外自助区蔬菜、雪糕、雪条、罐装饮品。肉类质素OK，海鲜够鲜甜，炸物/烧物普通，雪糕自己𢳂、雪糕就有Melona同马来西亚雪条、饮品系汽水同道地茶饮。一个价钱过几种口瘾几特别嘅，无限时可以慢慢食，呢餐食到好饱！