肥肥重慶雞煲 (已結業)

今次系第三次黎九龙城嘅肥肥任食鸡煲，21:00后系138元，呢个时间啱哂我，第一次黎冇乜人，我都系经过见新开试下，但今次就好爆场，除左鸡煲，最钟意食佢个三款料嘅蒸锅（有名堂，但我唔记得左），蒸盆上有鸡，猪膝肉（似猪颈肉），班块，腌得好入味，下面垫左金菇菜，索哂啲肉味，正！食完再用下面嘅汤打边炉，一个价钱，两种食法，抵！虽然火锅料选择较少，但基本嘅肥牛，雪花牛柳粒，羊肉片，脆鲩片，丸类，饺子，菜类同菇类都有，最得意系火锅料竟然有咸猪手，另外各种汽水啤酒，雪糕都系任攞， 最爱佢嘅熟食小食……海哲，靑瓜。最贴心嘅系佢嘅火锅料可选大细碟，唔驶浪费，但今次去个厨房就太懒惰，剔左细碟嘅都执好多，例如红薯粉俾左一大篮，蕃茄都成8旧，因为得两个人，到最后都系食唔哂，有啲唔开心，又唔想夹硬食，希望老板可以跟进一下，以免客人食唔哂之余，贵舖嘅成本亦多左。