十二鍋 (已結業)

😍庄士伦敦广场一向系佐敦火锅集中地。今次我哋唔算太肚饿，所以唔食放题，而系食一人锅。餐厅总共有12款锅，包括期间限定：荽茜鸡锅，可以选择鸡牛猪羊，会配饭或韩国粉丝，加$7 可转乌冬/卤肉饭 。每个餐都会附送红茶/ 绿茶，不过想饮得尽兴，可以转台式特饮。🍲台式沙茶牛肉锅+ 古早冬瓜茶$122沙茶汤底位于人气排行榜第二名，味道浓郁，配料丰富，有肥牛、米血糕、蜂巢豆腐 、蛋饺等等，仲系少有加咗台湾面线嘅汤底，面线同蜂巢豆腐吸收晒成沙茶味，特别惹味。仲有大大粒贡丸，入面有芋泥，几有惊喜。 我哋2 个餐都加$7升级做卤肉饭。 🍲一品酸辣白玉锅 + 芋香奶绿 $122就算朋友唔食牛肉，呢度都有唔少选择。佢简咗相对少人食过嘅酸辣锅。酸菜腐皮嘅汤底好入味，酸菜同娃娃菜份量几多，同埋觉得麻辣鸭血整得好味。 🍗夜市鸡皮卷 $36食卷真的很兴奋！因为喺香港好少有，疫情前几年去咗台北十份食鸡皮卷，一试难忘。😍😍脆香外皮包住嫩滑嘅鸡肉, 热辣辣。调味唔似台湾咁有得落调味粉，但系胜在平凡得嚟唔会过咸，比喺葵广小食店更为正宗好味。🌭墨花臣双色肠$42 份量几多，台湾肠水准正常，墨鱼肠中间有墨鱼粒嘅咬口。