影片
更多
2021-06-11
445 浏览
星期日夜晚嚟咗帮衬湾仔嘅「Wingman」，估唔到地点唔算太就脚，但仍然全场爆满👏，相当厉害。楼面店员唔多，我哋食几耐，就见佢哋忙足几耐，都有啲戥佢辛苦🙈。餐厅有两层，不过楼层面积唔大，座位有限。尽管如此，佢无为咗坐多啲客而令餐枱变逼夹，枱与枱之间留咗适当嘅通道位，亦放上隔板👍。但我就略嫌冷气唔够强劲，食食吓有啲热。讲返食物先，未睇餐牌前已经先俾佢枱面张餐纸吸引😍。纸上面嘅相片全部都系鸡翼，系各款唔同口味嘅鸡翼模样。睇见啲相令人食指大动！餐厅有做鸡翼放题🍗，分几个级别：1️⃣$138包三款鸡翼任食；2️⃣$198包十款鸡翼任食加指定饮品任饮以及；3️⃣$268包十七款鸡翼及薯条任食再加指定饮品任饮。经过认真评估食量之后，我哋决定单点会比较适合😛。鸡翼简单分为两类－干身同埋湿身，选择非常多，有好几款特别吸引，最终我哋要咗日本蜂蜜芥辣($69/6只)。🍯呢款鸡翼非油炸，而系涂上蜂蜜再拎去烤焗，感觉冇咁热气，味道甜甜哋，但芥辣方面就较为失色，因为只系反映咗喺𠮶一粒绿色Wasabi上面。题外话，如果一份单点鸡翼可以拣多于一款口味就好啦。另一边厢，餐厅现时有一个好抵嘅优惠🈹，就系Crunch Time脆鸡汉
星期日夜晚嚟咗帮衬湾仔嘅「Wingman」，估唔到地点唔算太就脚，但仍然全场爆满👏，相当厉害。楼面店员唔多，我哋食几耐，就见佢哋忙足几耐，都有啲戥佢辛苦🙈。
餐厅有两层，不过楼层面积唔大，座位有限。尽管如此，佢无为咗坐多啲客而令餐枱变逼夹，枱与枱之间留咗适当嘅通道位，亦放上隔板👍。但我就略嫌冷气唔够强劲，食食吓有啲热。
讲返食物先，未睇餐牌前已经先俾佢枱面张餐纸吸引😍。纸上面嘅相片全部都系鸡翼，系各款唔同口味嘅鸡翼模样。睇见啲相令人食指大动！
餐厅有做鸡翼放题🍗，分几个级别：1️⃣$138包三款鸡翼任食；
2️⃣$198包十款鸡翼任食加指定饮品任饮以及；
3️⃣$268包十七款鸡翼及薯条任食再加指定饮品任饮。
经过认真评估食量之后，我哋决定单点会比较适合😛。鸡翼简单分为两类－干身同埋湿身，选择非常多，有好几款特别吸引，最终我哋要咗日本蜂蜜芥辣($69/6只)。🍯呢款鸡翼非油炸，而系涂上蜂蜜再拎去烤焗，感觉冇咁热气，味道甜甜哋，但芥辣方面就较为失色，因为只系反映咗喺𠮶一粒绿色Wasabi上面。题外话，如果一份单点鸡翼可以拣多于一款口味就好啦。
另一边厢，餐厅现时有一个好抵嘅优惠🈹，就系Crunch Time脆鸡汉堡买一送一，$78就有两个汉堡包🍔，仲配埋新鲜热辣炸得好好食嘅幼薯条🍟，直头平过快餐店啰。留意返，呢个推广做到6月13日咋，想食就唔好错过喇⚠️！
Thunderbird Crunch
$78
2 浏览
0 赞好
0 留言
🌶Nashville Hot Crunch美式辣鸡汉堡，斋睇个样觉得同原味差唔多，不过辣在个鸡皮外层涂上辣椒油，再加埋秘制辣粉，食起上嚟好惹味，辣得过瘾。汉堡包好大个，面包经微烘，颇为松软的，另外仲搭配咗紫椰菜丝同腌青瓜🥒。
Cajun牛油烧粟米($65)，🌽烧粟米好大条，烧完之后仲系好多汁，而且烧得好均匀。调味用上是拉叉蛋黄酱，咸咸辣辣，富有牛油香。但如果温度热啲会更好。
意大利芝士甜品杯
$55
3 浏览
0 赞好
0 留言
饮品方面，我哋要咗Super Bock draft($45 half pint)同埋Iced Lemon Tea($30)。食炸鸡当然要配啤酒🍻，呢款好够汽，又唔会太苦。柠檬茶都唔错，唔系一般茶记出品，茶底唔涩，解渴🍋。
总括嚟讲，原来鸡翼专家唔止得鸡翼食😎，仲有沙律、小食同烤卷等提供。呢度系一个同朋友食嘢吹水放松嘅好地方，仲可以齐齐「叫鸡🐓」添，你懂的😜。
张贴
