富山和食料理屋 (已結業)

今日午膳时与几位同事在此店食饭,我就点咗个三文鱼海胆刺身饭,以午饭嚟讲,依款嘢收费都唔平,但可惜系比店刻意昆食客啰,事缘系当侍应准备放下食物时,由于个环境黑黑地,我地咪问个侍应系咩嚟,佢就话系我叫那一款食品,当我将食物接过后,拨开上层的三文鱼寻找海胆时,却遍寻不获,只见到有三文鱼籽,咁我咪叫咗个senior嚟啰,当佢嚟到时,我问他点解我碗嘢无海胆既,佢竟然答我话今日无海胆，哗！放底个饭时你地又唔出声话转咗款，仲话到系我叫𠮶款食物咁先谷气嘛，而依位senior更加道歉都无句，当我问佢系咪会收平啲时，佢竟然话同价（注）：我揭开个menu一睇，发觉佢地用三文鱼籽与海胆分别所做既产品价钱系有明显差距的，咁咪即系摆到明昆啲客啰，加上同事既餐又迟迟先嚟，又要赶住返工，真系宁舍谷气