東海薈 (北京道1號) (已結業)

好姊妹又要聚一聚，难得今晚咁齐人，小朋友同老公都一齐嚟，啱啱好够坐一围，朋友J就决定要食大家聚会咁耐都冇食过嘅中菜!呢间东海会喺尖沙咀北京道1号，初初谂住食中菜系冇咩特别嘅，不过上到去地方嘅几宽敞，唔会好迫，仲有落地玻璃窗边景，唔会好似平时啲酒楼坐得咁辛苦，非常舒服。除咗环境，食物亦令我喜出望外，我哋叫咗烧鹅王，放上枱传来阵阵香味，烧鹅皮香肉汁多，围枱转左一圈已经食晒一碟，又系必试佳品！呢度嘅椒盐鲍鱼亦都非常惹味， 不过食海鲜我自己就钟意清蒸多啲，保留原汁原味呀嘛！值得一赞嘅系佢唔只好食，卖相亦都好靓，净系摆盆已经吸引到人！！咁大班人梗系要叫返个龙虾伊面！龙虾大大嚿好多肉， 老公最钟意食!伊面唔会太淋，加埋啲汁味道刚好👍🏻👍🏻仲有一个砂锅海鲜豆腐煲，有带子，虾等等，落足晒料！用砂锅煮加埋啲配菜又香又惹味其他菜式好似京都骨，蟹肉扒菜苗，杂菌上汤浸菜等等都好味，不过就唔够上面嘅出色啦⋯⋯估唔到呢度环境食物服务质素都有返咁上下，下次要试吓黎饮茶先得！