影片
更多
2012-04-05
2546 浏览
跟老婆晌红磡出席完一单白事，期间遇番好耐无见嘅弟兄姊妹，难得一遇，一齐饭聚系自然不过嘅事，一行七人，本想就咁晌红磡揾间菜馆，可以襟坐啲𠮶只，就想起不如上都会商场，点知煌府又好，彩福又好，咁啱都有摆酒，所以就行远少少过返尖东彩晶轩，由于之前嚟过饮茶，觉得食物有水准，所以再嚟帮衬食晚饭，感觉有信心啲。即时打电话订枱，真好，啱啱仲有位！有套餐，略嫌贵咗啲，再翻翻餐牌，有几多选择，再翻后啲，有一列厨师精选推介，系实惠啲嘅小菜，$55-$98，结果晌餐牌中散点几款，晌厨师精选推介中又拣几款。澄海老四冰镇鹅肉卷 $48叫咗两个餐前小食，亦系两道冷盘，一个鹅肉卷，一个木耳虾。正幻想紧依个澄海老四冰镇鹅肉卷究竟系乜，好快就上枱喇。觉得佢系腐皮卷嘅变奏，鸭丝、甘笋丝、芹菜丝……以卤豆腐皮包卷，以烟熏代蒸，好浓重嘅烟熏香，又冰冰凉凉，有个性嘅冷盘小食。长白山冰天木耳虾 $48第一道冷盘出色，估唔到第二道冷盘亦算系唔错。「长白山冰天」个名就只系整色整水，改得令人感觉犀利啲。木耳同虾简单以酱汁腌过，木耳爽脆，可惜虾未做到爽弹，否则又系一道出色小食。伴有手拍青瓜，味道咸咸辣辣，青瓜清新，帮个小食拉番多少少分！驰
有套餐，略嫌贵咗啲，再翻翻餐牌，有几多选择，再翻后啲，有一列厨师精选推介，系实惠啲嘅小菜，$55-$98，结果晌餐牌中散点几款，晌厨师精选推介中又拣几款。
澄海老四冰镇鹅肉卷 $48
叫咗两个餐前小食，亦系两道冷盘，一个鹅肉卷，一个木耳虾。正幻想紧依个澄海老四冰镇鹅肉卷究竟系乜，好快就上枱喇。觉得佢系腐皮卷嘅变奏，鸭丝、甘笋丝、芹菜丝……以卤豆腐皮包卷，以烟熏代蒸，好浓重嘅烟熏香，又冰冰凉凉，有个性嘅冷盘小食。
长白山冰天木耳虾 $48第一道冷盘出色，估唔到第二道冷盘亦算系唔错。「长白山冰天」个名就只系整色整水，改得令人感觉犀利啲。木耳同虾简单以酱汁腌过，木耳爽脆，可惜虾未做到爽弹，否则又系一道出色小食。伴有手拍青瓜，味道咸咸辣辣，青瓜清新，帮个小食拉番多少少分！
驰名榄角酱烤骨 $78值得推介嘅小菜，因为甘香惹味，同白饭绝对系老友记。排骨泡油后，再以酱料、榄角兜炒，榄角好提味，出香非常突出，排骨松化唔油，正！
百合糖豆炒吊片 $68虽未至于妹仔大过主人婆，但蜜糖豆应该较抢镜，因为蜜糖豆好清甜，炒得又爽口；鱿鱼片大片得嚟又多，鱿鱼味鲜，虽然依道菜简单，但大厨功夫扎实。
鱼汤鲜菌浸什菜 $68除咗有秀珍菇，仲有西兰花、生菜、菜心，卖相就麻麻，好似埋乱草咁，但无可否认鱼汤确系几够浓，如果要拣一款多菜嘅菜式，依道鱼汤浸菜值得考虑。
藕断丝不连豚肉藕饼 $78简单讲，就系煎藕饼，仲谂住睇吓佢点样「藕断丝不连」添，会唔会有咩花招。藕饼好有莲藕味，加埋猪肉、葱粒、紫菜碎，香口唔松散，外层又煎得甘香，几OK！
星马喇沙海鲜煲 $88好雅致嘅陶瓷小窝，满满嘅马来西亚咖喱喇沙汁，咖喱喇沙好香，唔系单单咖喱味，因为有南姜、又加椰奶，香辣得嚟甘醇啲，又系捞饭好拍档啦。既然叫海鲜煲，海鲜料都唔赖皮架，有虾、有鱿桶又有带子，仲配以蜜糖豆、薯仔、红萝卜，埋满一窝，抵食之选。
虽然无糖水，但晚饭例送生果盘，都有少少惊喜，因为份量唔少之余，仲唔系求求其其西瓜一碟，而系包括哈蜜瓜、西瓜、火龙果，切得整齐摆得靓靓，啲客见到心里都觉得成餐饭抵晒。茶芥$10位，白饭$10碗，加埋一，都系六百几，除匀每人都唔使一旧水，抵食！
张贴
