天空虎嘯

营业中

休息中

前排同男朋友出嚟食饭，试咗好多间餐厅都伏。虽然地方好靓可以打卡，但系又贵又唔好食，净系得个外表。所以上网睇人介绍嘅餐厅都好惊中伏，唯独呢间「天空虎啸」系例外。有一次无意中见到呢间餐厅嘅介绍文，作为一间高档嘅日本菜餐厅，最出名就系佢哋嘅海鲜，种类多到日本料理入面有嘅海鲜佢哋基本上都齐全。今次同男朋友book咗晚餐嚟呢度食，体验真系好好。【阿拉斯加长脚蟹】佢哋比嘅份量系半只，然后真系好大只，肉质鲜嫩多汁，有长脚蟹独有嘅香味。【芝士樱花虾鲍鱼】好好食，芝士味够浓郁，再配埋樱花虾同鲍鱼，风味好足，又香又鲜。【日式京葱酱油配本地鸡】够入味，鸡肉好新鲜，日式京葱酱油嘅味道好特别，同新鲜嘅鸡肉特别夹。【墨鱼滑】【虾滑】口感滑嫩，墨鱼同虾味十足，味道可以喺口腔嘅每个角落度散开。呢度真系好值得嚟试吓，绝对物有所值！