丼丼屋 (已結業)

琴日同屋企人去开乐富购物，行到晏昼，见饿饿地，就去揾吓附近有咩好食。作为日本控既我， 见到丼丼屋，就二话不说决定去呢间食午餐。由于我哋去到嘅时候已经大约两点半，所以我哋决定点下午茶餐。佢哋下午茶餐有大概九款野食俾你拣，有鱼生饭、咖喱饭、炸猪扒滑蛋饭、等等等等。而我今次就点左炸猪扒滑蛋饭。炸猪扒滑蛋饭块炸猪扒热辣辣，外皮脆卜卜， 但系里面啲肉一啲都唔实，非常好食。配埋炸猪扒下面嘅滑蛋捞饭一齐食，成个口感好有层次，非常有日本嘅风味。呢次已经系我第二次食呢个炸猪扒滑蛋饭，质素依然非常好，下次去乐富一定会去返呢间丼丼屋食佢哋呢间炸猪扒滑蛋饭。