坐忘

营业中

休息中

夜晚要去维园比赛，当然要食饱先落场啦。系电器道一路行一路揾食，行行下见到门面有d日系风格ge坐忘，以为行左去表参道，再望下餐牌，食物以健康为卖点，岩晒啦，唔惊食错野比唔到赛。食物选择都几多，第一次帮衬就试下招牌菜慢煮7小时猪软骨，猪软骨有两大旧，非常入味，软骨入口即溶，而肉质亦唔会淋到散晒，食完肉当然要食返d菜先称得上健康，靓ge沙律菜唔洗咁多搞咁多花臣，新鲜爽口就够！坐忘老板系日本人，主张无味精、无食物添加剂ge天然健康料理，连酱汁都系自己调制，除左食到食材纯粹ge美味，亦食得出老板ge坚持同心意，短短一餐饭ge时间，犹如置身日本当地食店，一试难忘！唔想忘记呢种味道最有效ge方法，当然系揾日再黎回味啦！下次试第二款！