鮨和居食屋 (已結業)

琴日放假同朋友出街松一松，于是去左铜锣湾呢间日本餐厅食饭，一入到去成个格局已经好有日本气氛，重有个吧台位，我相信应该系夜晚为客人提供omakase，我同我朋友一人简左一个餐，我简左一个角切鱼生丼，而我朋友就简左一个牛肉寿喜烧定食，佢一开始黎左个前菜先，前菜个日式蒸蛋，蒸得好滑好好食，之后先开始黎佢嘅主菜，首先讲下个鱼生丼，呢个丼饭，用既鱼生非常新鲜，而且刀工都好好，切到每一粒大小差不多，令到每一粒口感都差无几，可以享受到每款5同鱼生嘅味道，再加埋我食到佢个饭有加入醋，所以连d饭都系咁好食，海鲜嘅种类繁多，而且佢跟餐有一个面豉汤，个面豉汤非常浓郁，非常足料好好饮，至于牛肉寿喜烧定食，呢个非常之有惊喜，佢个牛肉锅，好足料而且汤底有啲甜味，用佢个汤底捞饭，简单一流，再用牛肉点蛋汁食，加重牛肉既味道，食完成个牛肉寿喜烧定食，有一种幸福既感觉，食完野之后，佢最后跟餐会有一个柚子雪糕同埋咖啡俾我哋，个柚子雪糕入边真系有一粒粒嘅柚子，非常特别，而佢嘅咖啡因为自己煲嘅关系，有一阵阵嘅咖啡浓香，而且饮落非常之滑，总括而言，依间餐厅用心煮食物，净系呢一样都已经值回本价。