皇后飯店 (已結業)

以往一向对Queen’s 都有信心。但今晚我哋三个人好失望。三个汤。弟弟的洋葱汤正常，只系稍咸。我嘅周打鱼汤，竟然一旧鱼都冇，而且似系忌廉菜粒汤多啲。同部长讲，佢帮我跟厨房check过之后发现原来已经卖剩尾。提议我转过另外一个汤。我唯改点罗宋汤。但我真系冇谂过件事会咁样发生。爸爸的牛尾汤亦都是一点牛尾/牛肉都冇。而且偏咸。未上桌前亦见汤已溢泻于碟边，但侍应当睇唔到。照上桌。唉。虾多士一般般。爸爸话佢食其中一块好似唔觉有虾！🙈杂肉冷盘是我们必食。今次都算没有令人失望。中规中矩。俄国牛柳丝饭就最正路。牛肉够软琳，个汁好味。只是啲配菜粟米有点千差。甜品选择唔多。雪糕苹果批都唔错。但系唔明白点解要用朱古力雪糕而唔系云呢拿雪糕？咁嘅价钱，咁嘅质素……我谂好耐都唔会再帮衬啦。