生原創(蛋包飯)

营业中

休息中

食牛肉蛋包饭个炒饭系炒㶶晒嘅，食落口一阵㶶味，有时食到嘅饭焦唔系日式炒饭有焦香味嘅type，系㶶&苦&臭。啲牛肉少到成个饭食得几块碎肉片，无肉味嘅肥牛片整碎，居然有筋之余又要嚡。最后系个白汁，完全冇味，就咁食都试唔到有味。成个炒蛋包饭连汁好似无落盐咁，无味道，得㶶豉油炒饭味。态度方面，入去时舖头一个人都冇，谂住坐入啲嘅时候个老板叫住我：「坐𠮶张枱吖」，系都要人坐近门口位揽客。问其：「有冇tissue呀唔该」，之后眼啤啤无回应拍个纸巾盒摆系枱，见店舖装修咁有日本风格，本来以为个店员or老板咁串系𠮶啲日本工匠硬掘掘嘅艺术家feel。谂住态度呢家嘢其实都冇咩所谓，甚至有啲期待味道应该好出色。蛋包饭望落好得，食落口一阵啰味，原来唔系职人魂，系得态度臭串啫。味道好嘅话串都算啦，点解可以系难食㗎呢。