AFTER TEN (已結業)

放大假落左几日雨无野做心情麻麻醒起屋企附近有间算新新地既餐厅一直想试下。门面简简单单，好清新既感觉。可能时间尚早，所以唔多人,唔使等位。舖头整体用木系装修，虽然舖头唔算好大，但位与位之间间隔好开，令人坐得好舒服。每个角落虽然都好简单，但令人觉得简单就是美，感觉舒心。厨房系开放式既，贯彻呢间小店比人既感觉，寛敞，干净，舒服。menu首页见证住呢间舖头应该都好多人帮衬。食物选择就咁多，因为自己一条友食，所以点左个主食加一杯野饮。不捞唔太钟意食扁意粉，不过呢度d意粉餐都系以扁意粉为主，姑且一试，又有惊喜㖞，意粉炒得干身，有少少红色好似辣椒粉既调味，但唔辣，调味合适，面头既虾同蚬肉都新鲜，赞👍 最后饮埋杯flat white,配搭住餐厅里面悠悠既背景音乐，实在系悠闲放假 想静静生活既好去处。