博多拉麵別天神 (已結業)

今晚放工同男朋友出旺角朗豪坊行街，突然谂起好耐无食过拉面，所以就行左去试呢间别天神。呢度铺面唔大，位置有限，但我地去到咁岩有位，门口有部自助点餐机，可以用八达通或者信用卡畀钱，但因为我地畀现金，所以就坐低左先叫野食。呢度唔似其他拉面店咁，又黑蒜又辣味汤底，呢度只有两款汤底就系豚骨同埋虾味。睇完menu因为佢只有两款汤底同埋两款小食，所以我同男朋友就决定一人叫一个套餐。虾味增豚骨拉面，上面铺满好多樱花虾干🦐，汤底劲重鲜虾味，我食到最后差啲饮晒个汤，重有配紫菜同一只半熟蛋。小龙虾蟹子沙律，个沙律入边有好多小龙虾肉，蟹子同埋有少少wasabi味，佢配左几块紫菜俾你包住嚟食，口感一流👍🏻豚骨拉面，个汤底超creamy，本身谂住豚骨拉面应该会冇咩特别，但呢度个汤底系有惊喜😍煎饺子🥟，够足料，个底煎到脆脆地，但食落又唔会话好干身。枱面上面仲有写明有好多唔同配料，可以自己配搭加落个拉面度👍🏻👍🏻👍🏻👍🏻整体好高质，个汤好浓郁但食完唔会话好口渴，亦都无味精😋🤦🏻‍♀️