必勝客

营业中

休息中

今晚去APM原本谂住去FOOD COURT,点知而家无咗(应该装修)，于是周围行吓睇吓食咩好，行过PIZZA HUT又好耐无食，于是入咗去。首先就叫海鲜宽条面(细个时劲钟意食佢)，跟住叫埋西班牙海鲜炒饭同烟肉忌廉薯条。第一个上嘅系烟肉忌廉薯条，啲薯条够热又够脆，但反而啲忌廉酱就完全唔得，几淡无味，斋计应该薯条都仲浓味，唔驶沾啲酱都得。然后到海鲜宽条面，点知都系偏淡，而且啲忌廉汁好稀，同埋啲宽条面超淋，同以前食嘅系两回事，完全唔得。最后到西班牙海鲜炒饭，啲饭唔热，虽然有味，但系葡汁味，似葡国海鲜炒饭多啲。最紧要系睇张单时要加一，但由喺出面拎飞开始到埋单俾钱都完全唔觉有服务，啲侍应态度又差，埋单又系自己拎张单去收银埋(记得以前食都唔系咁，系侍应过嚟埋。咁样都要加一，完全讲唔过去，反而觉得茶餐厅仲好过佢，唔值得再去。