黃明記粥粉麵家 (已搬遷) 新店位置

早前有电视节目介绍黄明记嘅粉面粥品，琴日刚巧去九龙城买野，于是就去试试。以往经过，都无人排队，但琴日，竟然劲多人，等咗15mins先有位。一行3人，各自叫咗猪什捞面、四宝粘同墨丸河。再叫多个净墨丸share。四宝粘有鱼饺、猪肉丸、墨丸同鱼旦。四样皆十分平凡。鱼饺劲肥劲多油；猪肉丸有大大粒肥膏；墨丸实得得，唔爽又唔弹。粘粉即银针粉，呢个几特别，因为无几多间粉面店会供应。 猪什捞面，面劲多碱水，未食都闻到。面虽然食落好爽，但就超劲碱水。所以话电视讲得几好食都无用，一试就知系咪真系所讲咁正。