霸嗎拉麵 (已結業)

今日去左铜锣湾食饭，男朋友突然间想食拉面，我地就去左霸吗啦！我地经过见到门口放左龙虾拉面既poster，男朋友超爱龙虾啊！佢叫左龙虾拉面，浓浓虾汤底，好浓香好杰身，胶质感好重，猪骨味不轻，愈饮愈滋味！龙虾爽口弹牙，加拿大龙虾好大只，充满龙虾膏，蟹籽丰富，龙虾爽口鲜甜，用料好新鲜啊！拉面挂汤力非常高，溏心蛋流心度非常高！我叫左鸡白汤鸡叉烧拉面，鸡肉厚切，肉质爽嫩滑溜，鸡白汤浓香清甜！羽根饺子香脆香口，饺子馅料丰富，叫左辣味，辣度强劲，好惹味啊！