泰然 (長發廣場)

营业中

休息中

人生就是这样子，疫情期间，多了很多机会食住家饭 ，就好想念外出食饭嘅味道。所以今日就选择仲喺青衣长发嘅“泰然“叫外卖 ，大吃一番 。青衣越嚟越多选择， 对于我呢个青衣人嚟讲绝对系一个好事。青衣离美食沙漠之名又远一步。 天气咁冻，当然要饮返一个“冬阴功海鲜汤“$108暖下胃，暖下身。呢个冬阴功嘅酸辣度对我嚟讲刚刚好， 酸酸味味嘅味道，十分醒胃，有海量嘅虾肉同一只份量十足嘅大头虾， 作为今餐的开始真系适合不过。 再嚟就系一个“金柚子虾沙律“$88。 柚子嘅份量一啲都唔吝啬，每一粒都多汁饱满， 配搭充满泰国风味嘅酱汁 ，别树一番风味。 唔知系天气冻嘅关系定系呢前两度菜都有开胃嘅作用， 所以为系特别好胃，食量大增。 主菜方便食泰国菜又点少得“菠萝海鲜炒饭“$98， 攞到返屋企仲系热辣辣，充斥住香喷喷嘅菠萝味道。真系好想去泰国旅行丧食同按摩啊。 最后当然你一个经典嘅泰“海南鸡油饭 “$68。油饭分量十足，海南鸡嘅鸡肉都好滑，唔鞋口， 性价比十分之高 。相信系呢段时间好多为食猫都无得出街食饭 ，希望疫情快啲遇过天青 ，大家可以继续丧食。