西貢海灣會燒烤大王

虽然天气好热，但小朋友话想去郊外玩下，顺便烧嘢食，所以都谂下去边头！谂到最近雨季，唔知会唔会落雨，所以去啲烧烤场啦一于。揾揾下，发觉西贡有个烧烤场好靓，又系郊外，又系有瓦遮头嘅地方，唔怕落大雨！呢个烧烤场系自助烧烤场，位于西贡海旁，一望出去，有个靓靓嘅沙滩！大家可以一齐去玩，小朋友可以一边烧嘢食一边去沙滩玩消夏鼠！真系好开心呀！一入到去，见到个场好靓，嘢食选择都非常之多，有晒传统嘅烧嘢食必备，例如：鸡翼、扒类、同埋唔同嘅丸！嘢饮佢就可以任饮，仲有几多选择下！会包咗一人一个烧烤叉，但我地就觉得用网烧方便啲！所以加咗50蚊要咗个网同夹，烧起上嚟快好多！呢度有个玻璃屋，落雨嘅时候就可以关𥦬，完全唔怕！