Penthouse (已結業)

週末和家人去了銅鑼灣食晚飯，位於金朝陽中心頂層，可以睇曬成個維港景色，非常靚。食物我地前菜叫了 fieid green salad，全素ge salad，上面有d核桃、梅乾之類，仲有水牛芝士，好清新ge一個salad。蟹餅。上面有莎莎醬，牛油果醬同墨西哥辣椒ge thai style 辣醬可以點！好多蟹肉，係可以食到一絲絲咁，我自己就鍾意點牛油果醬。松露pizza，size啱啱好，夠4個人share，上面一片片ge松露，好香，而且pizza ge餅底好正，芝士份量剛剛好，唔會蓋過松露ge香味。仲叫了個海鮮湯，海鮮湯非常濃郁，個湯底用好多海鮮去熬，青口，蝦，帶子等等，好香濃！而且有2塊脆多士配。主菜叫了慢煮三文魚扒，三文魚烹調得啱啱好，好滑，油脂好重，好香三文魚油ge味，好濃郁，除了個三文魚扒，亦都好鍾意距下面鋪ge義粉，個口感好豐富，味道很好。還有12oz ge 肉眼扒，份量夠曬！3成熟，好滑，牛味好濃，完全無法形容！整得啱啱好！好唔錯ge西餐廳，好ge環境，食物又好味！一定會再來。