阿閒泰 (世貿中心)

营业中

休息中

最近成日落雨，天气闷热又潮湿，适合去食吓风味酸甜开胃嘅泰国料理。「阿闲泰」装修新颖，楼底特高，四周有多只可爱兔仔装饰，并享有美丽海景，餐厅充满著浓浓嘅南洋休闲风情。餐厅注重食材品质来源，料理酸辣适中、清爽味美，餐品选择更加多样化，有创意而且带特色。🔸红咖喱和牛漠堡扒滑蛋盖饭：结合咗泰国著名嘅浓香咖喱同日式蛋包饭，酱汁浓稠，配上滑捋捋嘅鸡蛋，口感丰富。和牛汉堡亦非常之大块，唔会煎得太干，入边依然保留到肉汁。🔸封门柳•牛筋丸浓汤船面：封门柳嫩滑，牛筋丸爽口弹牙，仲有萝卜同埋两块香脆猪皮。泰国新鲜幼面虽然幼细，不过挂汤力强，每啖都可以品尝到浓汤滋味。🔸 泰式生虾：秘制酸辣酱汁随着咀嚼生虾嘅同时，香辣酸甜爽脆全部绽开。跟餐小食只百两只，真系唔够喉，下次再访嘅时候我要叫一整碟。🔸阿闲泰奶茶配奶茶雪条：卖相一流，可以自己加入红茶及牛奶。杯入边仲有奶茶啫喱，得意又好味。奶茶雪条除咗可以就咁食之外，亦可以将佢慢慢融入奶茶内，令到味道更加浓郁，超级推介👍🏻🔸泰式鸳鸯冰：一杯fusion嘅饮品，口感清爽，风味独特，同样可以自己斟倒鸳鸯同埋牛奶。杯入边嘅冰块同样系鸳鸯雪城嘅冰粒，令饮品唔会越饮越淡。🔸泰式街