賽馬會滘西洲高爾夫餐廳

营业中

休息中

book咗2人晚饭套餐，包发球练习。打之前先食个早饭。啡茶水任装。楼底好高好舒服，本身想坐室外，但唔钟意闻到烟味，唯有坐室内。小菜有八款可拣，呢个系海参鸡丝豆腐，份量足，捞饭食一流。汤大大碗，饮得过，畀啲汤料大家睇下。xo酱蜜糖豆炒花姿，花姿爽口，但冇鸡丝𠮶个咁丰富。食到一半，成个室内突然光咗，原来系电动帘拉起晒向太阳𠮶边嘅窗帘，畀大家喺室内都睇到日落嘅美景。booking仲系用纸笔嘅传统方式做，呢啲位反而几跟得上现代科技，佩服。套餐仲有包甜品，同男朋友讨论紧可能系一嚿桂花糕或者蛋糕嘅时候就上菜：居然个甜品都咁精彩，一次过满足三个愿望！嚟呢度试晚饭套餐加打波真系令我开咗眼界，亦都捧住个肚走！呢个景真系唔话得，手机都影出个广告感觉。