皇后泰國廚房 (已結業)

今日放lunch嘅时候同事表示想食泰国嘢，咁我就谂起之前系广东道食过一间泰菜，佢算系自助式嘅餐厅 抵食又多款选择，唔单止嘢食好地道仲要有个无敌靓景，无论系白天定夜晚都一样有feel。冬荫公好好饮啊 佢酸得嚟带啲辣度，香料叶好浓味 再加上有少少椰汁味道最似我系泰国饮过嘅味。炒饭炒得好好唔会湿 饭粒粒粒分明，而且佢都系有啲辣辣地咁好惹味。粉丝唔好见佢无咩颜色，食落好香蒜味同带酸辣味，食完劲开胃。炸虾饼 食落干身唔油腻，咬落外脆内弹牙，而且入面保留咗啲油份，食落超级香口。蒸南瓜布甸 个布甸好香蛋味，食落绵滑 蒸得岩岩好，初初入口蛋味较浓 慢慢化开有浸奶香，配上香甜嘅南瓜 好满足。芒果糯米饭 芒果超级超级甜 而且系爆香，糯米饭够黏同够烟un带少少咸味，配上浓浓嘅椰汁同芒果 好幸福。