影片
更多
2024-06-15
254 浏览
放假最好就系约埋一班朋友去打边炉，有咩好过喺旺角咁方便嘅地点，仲要系任食冇限时打边炉放题，仲要有唔同牛嘅部位食呢？呢间火锅店地理位置好，枱同枱之间距离相当合适，无论系三五知己定系一大班朋友嚟食都唔会太过挤迫。有唔同嘅价位嘅set可以选择，汤底亦都有唔少特色汤底。大家可以按着自己嘅喜好拣。当日就拣咗卜卜蚬清酒汤，汤已经加入咗清酒，另外店员会比一小壶清酒，当觉得唔够味嘅时候可以自行加入汤底吊味，相当贴心。同其他火锅放题店一样，大家可以自行调配唔同嘅酱料，呢度嘅酱料选择非常之多，而且摆放得相当整齐干净。前菜一样有得拣，但嚟得食火锅放题，前菜就少食啦。猪牛鸡肉就系透过QR code任点嘅，喺自助区一样有好多蔬菜同埋丸类任拎。呢间火锅店，最特色嘅系有唔同牛肉嘅部位可以选择。大家可以点每样点少少试一试，睇吓喜欢食边个部位。牛肉质素非常之高，就系睇花纹都已经知道质素唔错。全部切到薄薄嘅一片，一放落火锅已经熟晒。即刻食得。食完之后透个QR code再点，店员上菜上肉类嘅速度可以话非常之高，唔使惊要等好耐先有得食。饮品方面，除咗一般嘅茶饮之外，亦都有一啲韩国罐装饮品同埋啤酒可以拎。当日见到喺自助区亦有一
呢间火锅店地理位置好，枱同枱之间距离相当合适，无论系三五知己定系一大班朋友嚟食都唔会太过挤迫。
有唔同嘅价位嘅set可以选择，汤底亦都有唔少特色汤底。大家可以按着自己嘅喜好拣。
当日就拣咗卜卜蚬清酒汤，汤已经加入咗清酒，另外店员会比一小壶清酒，当觉得唔够味嘅时候可以自行加入汤底吊味，相当贴心。
同其他火锅放题店一样，大家可以自行调配唔同嘅酱料，呢度嘅酱料选择非常之多，而且摆放得相当整齐干净。前菜一样有得拣，但嚟得食火锅放题，前菜就少食啦。
猪牛鸡肉就系透过QR code任点嘅，喺自助区一样有好多蔬菜同埋丸类任拎。
呢间火锅店，最特色嘅系有唔同牛肉嘅部位可以选择。大家可以点每样点少少试一试，睇吓喜欢食边个部位。牛肉质素非常之高，就系睇花纹都已经知道质素唔错。全部切到薄薄嘅一片，一放落火锅已经熟晒。即刻食得。
食完之后透个QR code再点，店员上菜上肉类嘅速度可以话非常之高，唔使惊要等好耐先有得食。
饮品方面，除咗一般嘅茶饮之外，亦都有一啲韩国罐装饮品同埋啤酒可以拎。当日见到喺自助区亦有一啲茶包同埋可以装热水，如果有啲朋友唔喜欢冻饮嘅话，一样有养生花茶可以拣。
当日去到全部店员嘅服务态度都非常之好，非常有礼貌。而且相当贴心，食完火锅之后，都细心问我哋需唔需要甜品，当日嘅甜品系蛋卷。
食完火锅，有一件小小嘅甜品清一清个口真系非常之圆满。
张贴
