別忘了

营业中

休息中

星期六去到依间台式餐厅食午餐，餐厅基本上坐无虚席，好受欢迎！餐厅装修十分靓，好有少女风格，啱晒女仔去打卡😍餐厅仲有送两张书签俾你写愿望挂上樱花树招牌牛肉面$72牛肉面质感好好唔会太腍亦都唔会太韧，汤底非常浓郁但唔会过咸！牛肉面配料有牛肉、牛肚、牛筋同牛丸再加半只蛋，配料非常丰富！所有配料都好大件，又足料！牛肉好入味好腍，一啲都唔韧，好有水准！盐酥鸡翅拼盐酥鸡卤肉饭$60盐酥鸡翅同盐酥鸡都非常酥脆，唔会太油腻。卤肉饭都好惹味，又好大碗，够晒饱肚！卤肉饭仲有菜脯做配料，令到卤肉饭更加惹味！芋泥冰淇淋窝夫（巧克力）卖相好靓，十分打卡！一份有四件，而且窝夫超厚身，一定要同朋友一齐share！个窝夫本身冇咩味，甜味都系来自污泥同朱古力酱，所以窝夫食落唔会好甜👍🏻柠檬玉兰绿茶饮品叫咗少甜，甜度啱啱好，唔会过酸或者过甜。茶底味道够清新，唔会有一种好浓嘅味道。柠檬胭脂桃花红茶饮品叫咗微甜，甜度都啱啱好，但味道就冇乜特别，同普通红茶差唔多味。