墾丁茶房 (已結業)

闲日晚上我想去IKEA去Megabox，同行友人病病地，想揾间慢慢食慢慢坐慢慢倾餐厅，上左十几层最后拣左最角落既呢间。闲日既晚上大把位（咁大个场得三枱客），侍应小弟安排左我地坐圆形疏化位有cushion坐得舒服。远望到楼下打冰曲。一坐低就问侍应小弟啰杯暖水食药，小弟服务态度好又勤力，介绍左我地有啲晚餐抵食啲，望完餐牌就好认同😂病人胃口麻麻地想食湿野，叫左个「宋家菜肉馄饨拼红烧牛肉汤面」个名好长😑唔凑米气既我就叫左澎湖三虾冬粉煲。餐抵食系因为会配埋例汤前菜餐饮。侍应小弟一落完单就即刻攞例汤同餐具黎快到呢😂可能无乜客（小弟好似刚毕业第一份工咁款）见佢无野就揾野做抺吉枱呀入豉油呀😂例汤青红萝卜汤细细碗咁（唔预会系无味精老火汤架喇），前菜陈醋云耳，爽口唔太酸，几开胃。另一个疑似经理既呀姐就上另一道菜时，响我疏化后面队过黎🙄其实又无人又唔赶，行多步响人地前面放低唔会好难啫🙄冬粉煲，卖相hea左啲，粉丝走晒出个煲度，味道就好有虾干既咸香，有几只雪藏虾仁，几多芽菜中和咸味，蒜头同葱都几多吊起个味，原本谂住就咁食，餐配白饭上有原因，食到尾就觉得咸可能因为食晒啲芽菜。馄饨牛肉面，份量少，无胃口果个都食得