影片
更多
2016-09-14
480 浏览
观音拿铁 $22听闻茶汤会已经有一阵子了，之前被茶汤会洗版了一阵，至今分店开到公司楼下👉🏻中环，人潮汹涌，好多人排队，苹果干嘅怪癖就系多人排嘅野我唔钟意同人逼，多人捧嘅野我更唔爱，宁愿等到热潮退去再黎试。终于，无咁多人排队啦，2星期前嘅星期六约7点经过想买杯镇店之选：观音拿铁，但，买晒？？咁早买晒😱剩番啲红茶，绿茶，真系无咩兴趣，无瘾咁走咗。寻日睇完医生又路过，幸运地比我饮到啦🎉点咗观音拿铁加芦荟，同平时饮开嘅好唔一样。茶叶嘅味比较突出，当然茶叶经过挑选再从台湾进口可能系其中一个原因；我谂奶系其中一个原因，相比其他店家大多数采用奶粉/奶精，茶汤会嘅奶比较淡薄，少咗阵浓郁奶味但反而更突显出茶叶嘅特色（嗯，我合理怀疑茶汤会用咗新鲜牛奶🤔😆）。香港嘅特色奶茶已经成为香港嘅本土文化，一大特色；而台湾嘅珍珠奶茶也不遑多让。香港嘅奶茶多用淡奶配搭而台湾却沿用奶粉，试咗茶汤会嘅非一杯拿铁后，算得上采用新成份嘅'较'健康饮品，令我有啲啲～啲嘅眼前一亮，而店家采取分店制（即向台湾总店买了代理权）而非加盟店嘅做法，希望可以统一标准；而短短时间已系旺角，天后及中环开了分店，拭目以待能否系香港立足。P.S 店
听闻茶汤会已经有一阵子了，之前被茶汤会洗版了一阵，至今分店开到公司楼下👉🏻中环，人潮汹涌，好多人排队，苹果干嘅怪癖就系多人排嘅野我唔钟意同人逼，多人捧嘅野我更唔爱，宁愿等到热潮退去再黎试。
终于，无咁多人排队啦，2星期前嘅星期六约7点经过想买杯镇店之选：观音拿铁，但，买晒？？咁早买晒😱剩番啲红茶，绿茶，真系无咩兴趣，无瘾咁走咗。寻日睇完医生又路过，幸运地比我饮到啦🎉
点咗观音拿铁加芦荟，同平时饮开嘅好唔一样。茶叶嘅味比较突出，当然茶叶经过挑选再从台湾进口可能系其中一个原因；我谂奶系其中一个原因，相比其他店家大多数采用奶粉/奶精，茶汤会嘅奶比较淡薄，少咗阵浓郁奶味但反而更突显出茶叶嘅特色（嗯，我合理怀疑茶汤会用咗新鲜牛奶🤔😆）。
香港嘅特色奶茶已经成为香港嘅本土文化，一大特色；而台湾嘅珍珠奶茶也不遑多让。香港嘅奶茶多用淡奶配搭而台湾却沿用奶粉，试咗茶汤会嘅非一杯拿铁后，算得上采用新成份嘅'较'健康饮品，令我有啲啲～啲嘅眼前一亮，而店家采取分店制（即向台湾总店买了代理权）而非加盟店嘅做法，希望可以统一标准；而短短时间已系旺角，天后及中环开了分店，拭目以待能否系香港立足。
P.S 店家写的：一杯幸福茶 一份人情味！只能说，捕捉了我的目光和注意
观音拿铁
$27
17 浏览
0 赞好
0 留言
张贴
