Pici

营业中

休息中

朋友推荐下去咗沙田新城市广场嘅Pici Paster Bar食lunch。呢间餐厅系买戏飞个边，唔讲都唔知呢层有餐厅。朋友话呢间餐嘅意粉系自家人手制，而大家入餐厅时可以见到嘅。Lunch set有A, B & C 三种配搭三个价钱，而每款配搭嘅食物选择唔系完全一样嘅。朋友钟意食呢度嘅肉丸，拣咗C餐嘅辣猪肉忌廉汁扁面（只有Set B及 C有肉丸可选），而我就拣咗Set B嘅忌廉汤同经典牛肉酱宽带面。二人都拣咗tiramisu 为饭后甜品，而餐饮无糖红茶系免费嘅，咖啡就要另外加钱。前菜上嚟之前，侍应用纸袋送上餐包，伴以橄榄油&醋食用。忌廉汤上枱，望落去唔错，食落去更加唔错，「杰」得嚟觉得好足料，好味。接落嚟到pasta 啦，卖相唔算特别，食起嚟发现面嘅质地几特别，有咬口，些少烟韧，第一次食到呢种口感嘅pasta,食落味道又真系唔错，比想像中好。好耐未食过觉得唔错嘅食物啦呢样系朋友话好好味嘅牛肉丸而呢个辣猪肉忌廉汁扁面朋友都话系好味嘅，卖相都吸引最后出场嘅甜品。tiramisu面层嘅朱古力粉好厚下，味道真系要赞一赞呢间餐厅值得一试。