影片
更多
2019-05-22
69 浏览
老友生咗个苏虾刚刚满月， 做长辈嘅点都要入嚟探下bb食下姜， 老友住嘅元朗尔峦， 我都系第一次嚟， 低密度住宅 ，环境优美非常优雅， 估唔到呢个小社区 ，对面仲有一个美食城。老友话难得我咁远入嚟探佢地， 点都要食番餐豪豪地多谢我份厚礼。 朋友非常阔绰带我食铁板烧， 呢度门口可以泊车 ，虽然舖头细细， 但可以近距离同厨师吹下水， 真系食得好招积。老友拣咗个特上活龙虾铁板烧， 见到都觉得好正。头盘嘅呢个帆立贝， 系由北海道新鲜运到， 冇摆过入冰格冷藏， 所以非常新鲜， 师傅加咗三文鱼子同新鲜嘅紫菜一齐煮， 十分鲜甜。简简单单嘅银鳕鱼，可以煎到个皮咁脆， 师傅嘅手制真系一流， 我够胆讲我未食过咁脆嘅鱼皮。呢一只日本响螺非常之鲜甜， 师傅特别提醒我唔洗加任何嘅酱料， 先试到佢嘅原汁原味。呢一个龙虾系加左龙虾膏同海胆一齐炒， 全部都系师傅自己嘅细心调配， 食落去真系有唔同嘅层次，用文字笔墨好难形容。呢一块只系用砂糖牛油整嘅多士， 但系真系好好好好味， 只能够讲你用心去做一件事， 最简单嘅食材都食出你嘅心思。A5 和牛厚切，我要求5成熟， 厨师嘅功力非常深厚， 完全符合到我嘅要求， 食落去牛味香浓
老友话难得我咁远入嚟探佢地， 点都要食番餐豪豪地多谢我份厚礼。 朋友非常阔绰带我食铁板烧， 呢度门口可以泊车 ，虽然舖头细细， 但可以近距离同厨师吹下水， 真系食得好招积。
老友拣咗个特上活龙虾铁板烧， 见到都觉得好正。
头盘嘅呢个帆立贝， 系由北海道新鲜运到， 冇摆过入冰格冷藏， 所以非常新鲜， 师傅加咗三文鱼子同新鲜嘅紫菜一齐煮， 十分鲜甜。
简简单单嘅银鳕鱼，可以煎到个皮咁脆， 师傅嘅手制真系一流， 我够胆讲我未食过咁脆嘅鱼皮。
呢一只日本响螺非常之鲜甜， 师傅特别提醒我唔洗加任何嘅酱料， 先试到佢嘅原汁原味。
呢一个龙虾系加左龙虾膏同海胆一齐炒， 全部都系师傅自己嘅细心调配， 食落去真系有唔同嘅层次，用文字笔墨好难形容。
呢一块只系用砂糖牛油整嘅多士， 但系真系好好好好味， 只能够讲你用心去做一件事， 最简单嘅食材都食出你嘅心思。
A5 和牛厚切，我要求5成熟， 厨师嘅功力非常深厚， 完全符合到我嘅要求， 食落去牛味香浓， 亦都唔觉得肥腻。
跟住上埋个炒饭同埋菜， 就等汤同甜品。 当你成晚食到好满足，食到后面已经冇乜要求嘅时候， 厨师为你捧上一碗热辣辣鱼味浓沃嘅鲷鱼汤， 真系好窝心。
多谢老友带我品尝一餐咁美味嘅铁板烧， 下次可以带埋老婆嚟庆祝特别日子。
张贴
