蘭香茶餐廳 (已搬遷) 新店位置

是日約左幾個朋友一齊喺屋企打邊爐，拎左半日假，自己去街市買料，因為收工趕入荃灣，都未來得切食野，所以都諗住搵間餐廳下午茶先。原本去到街市果邊，誠梗係想試下名物嘉樂啦，點知當日佢例休…呀，係成日都食唔到的。然後近近地去左隔離呢間茶餐廳食。下午茶時間都有唔少人，望左望餐牌，都係一般茶記食到嘅野啦。點左一個麵同一個意粉，真心覺得都幾難食下…如果有得揀都唔再黎了，今次都係意外。五香肉丁出前一丁：唔明點解喺街食親一丁，都煮得咁難食…唉，都唔係話唔加果幾蚊，肯加都煮到同公仔麵一樣咁難食，我為何要加呢…五香肉丁嘅份量都適中，唔會話好孤寒，成兜辣汁倒哂落碗麵咁滯，但完全唔覺得辣，得個色水。肉丁都係一貫茶記硬硬實實果種，不過我食開呢個質素都冇咩意見。出前一丁煮到腍哂，食落冇味，相信冇落調味粉，只係加左少量麻油，但因為水太多，整體很淡。男朋友點嘅意粉餐味道都係一般。凍檸茶自動走甜，冇茶味又冇甜味…