影片
更多
2017-06-19
148 浏览
Home Sweet Home似曾相识? 店名名字跟某电台节目一模一样, 仲以为系主持人开的, 原来纯属巧合。门前餐牌十分吸引, 特别系价钱, 星期一至星期五供应, steak dinner set $88-148 only, 今晚来个即兴。场内气氛都几好, 啱晒同朋友倾下计。每台都有不同味道的香薰蜡烛, 散发著阵阵的幽香, 加埋咁嘅气氛, 等紧朋友嚟开餐的我, 有点昏昏欲睡。餐厅竟然自备爆谷机, 服务员送来的免费小食, 即刻醒神晒, 甜甜地, 好松脆。今晚唔可以咁豪了, skip it 六道风味看似很不错, 有齐前菜、汤、主菜及饮品, 价钱 $138-238, 主菜也很吸引呢, 已拣定我挚爱的.....牛肉。哗！好靓啊, 估唔到百零蚊嘅set dinner 前菜都有咁既心思及排场, 喜出望外。右 ~ Mozzarella Chesse 番茄配自家制香草酱中 ~ 黑松露野菌忌廉汤左 ~ 日本蓝鮨吞拿鱼慕士黑芝麻酥皮盒黑松露野菌忌廉汤有啲似分子料理, 泡沫幼滑, 好香菇味, 清香型, 没有多余的咸, like, 最怕乜鬼都咸屎勒勒盖晒食物本味。Mozzarella Chesse 番茄
门前餐牌十分吸引, 特别系价钱, 星期一至星期五供应, steak dinner set $88-148 only, 今晚来个即兴。
场内气氛都几好, 啱晒同朋友倾下计。
每台都有不同味道的香薰蜡烛, 散发著阵阵的幽香, 加埋咁嘅气氛, 等紧朋友嚟开餐的我, 有点昏昏欲睡。
餐厅竟然自备爆谷机, 服务员送来的免费小食, 即刻醒神晒, 甜甜地, 好松脆。
今晚唔可以咁豪了, skip it
六道风味看似很不错, 有齐前菜、汤、主菜及饮品, 价钱 $138-238, 主菜也很吸引呢, 已拣定我挚爱的.....牛肉。
哗！好靓啊, 估唔到百零蚊嘅set dinner 前菜都有咁既心思及排场, 喜出望外。
右 ~ Mozzarella Chesse 番茄配自家制香草酱
中 ~ 黑松露野菌忌廉汤
左 ~ 日本蓝鮨吞拿鱼慕士黑芝麻酥皮盒
黑松露野菌忌廉汤有啲似分子料理, 泡沫幼滑, 好香菇味, 清香型, 没有多余的咸, like, 最怕乜鬼都咸屎勒勒盖晒食物本味。
Mozzarella Chesse 番茄配自家制香草酱
芝士味属于清淡型, 配埋清新番茄及香草酱, 很清新的前菜。
日本蓝鮨吞拿鱼慕士黑芝麻酥皮盒
吞拿鱼以沙律酱捞匀再加少许黑芝麻, 酸酸甜甜又香口。
酥皮底极度松化
味蕾 - 柠檬雪芭
清清味蕾再食主菜, 柠檬雪芭酸劲十足, 口感有点似沙冰, 冰凉爽快！
主菜 ~ 威灵顿牛肉 ($238/set dinner)
今晚餐牌原本系慢煮安格斯牛扒, 服务员话今日主厨心情靓靓, 可以免费upgrade 威灵顿牛肉比我, 问我有冇兴趣, of course, 威灵顿牛肉要煮得好食, 好鬼烦兼花心思兼有啲难度, 所以唔系间间餐厅嘅厨师肯做, 今晚真有口福, 至于你地有无口福就要睇你地既造化了。
真系睇见都流口水, 金黄的酥皮包黑松露、烟肉粒及磨菇粒, 然后内心心处才是肉汁丰富的牛肉。
肢解后的威灵顿牛肉, 酥皮包住牛肉焗, 能保持牛肉嫩而多汁, 最坚嘅系容易出水嘅蘑菇及出汁嘅牛肉......在酥皮内出奇地干爽, 完全没有影响酥皮的松化, 神乎其技, 呢度嘅厨师厨艺都几坚。
牛肉外层焗得焦香, 肉色嬾红, 肉汁丰富, 配埋香口既黑松露及烟肉粒, 咸香惹味, 蘑菇粒爽口, 二百零蚊食到呢个主菜, 今晚真系抵到烂！
朋友的主菜什菌意大利饭也很不错, 什菌清香特出。
玫瑰奶茶
有时乱冲乱撞都几好, 今晚非常suprise, 呢度竟然还有玫瑰奶茶, 人生的第一杯玫瑰奶茶……港式奶茶结合玫瑰花的新鲜配搭, 茶味浓, 玫瑰味更浓, 玫瑰花应该系同茶叶一齐煲先会咁出味, 好饮, 好饮嘅代价系......成晚都好鬼精神, 瞓得唔好, 咁特别, 唔训一晚都值嘅。
估唔到太子横街一间小小的平民化餐厅, 竟然有咁出色嘅出品, 今晚好惊喜, 一定再嚟食其它set dinner。
张贴
