影片
更多
2015-09-14
120 浏览
落单时已好声好气甘同𠮶个啡色衫清洁阿姐讲：「靓女，肠粉唔要甜同辣酱，唔该」，点知佢就甘木囗木面，一言不发睇左一眼张单，就甘同另外一个红衫阿姐讲左一句：「唔要辣醤」，之后走左去，我听到之后，ok fine！我当我讲得唔清楚，于是我立刻补返一句：「靓女，肠粉唔要甜同辣酱，唔该」！红衫听到后亦一言不发之后做野，我心谂冇礼貌呢间野嘅特色嚟嫁？之后到佢拎左碟肠粉嚟时，却发现佢落左甜酱，于是我开始小小火滚，但又保持礼貌及语气，又同红衫阿姐讲：「唔该，我刚才已经讲左话唔要甜同辣酱」，佢闻言后又再唔出声目无表情，一句Sorry都冇，拎走碟野，然后竟然就甘夹走沾有甜酱嘅肠粉，打算就甘俾返我！我心谂妳真好野！就喺我打算拍枱走人时，有另一个长驻在店外面档的红衫阿姐同佢耳语了几句后，夹夹下突然停左手，问我：「系咪一定一滳都唔要？」，我心谂妳都几废话下㖞！我接受到嘅话，我就唔会一开始就叫妳哋走酱啦！！见到妳D毫无歉意，面目可憎嘅咀脸讲完后，我心中虽有气，但话哂第一次嚟帮衬，事前略有听闻食评不差，于是忍一忍，霸气回覆一句：「系·呀！！」阿姐听完后，终于放底碟「有料肠粉」，双手捽面，强作精神，再夹过另一份肠粉过嚟，
落单时已好声好气甘同𠮶个啡色衫清洁阿姐讲：「靓女，肠粉唔要甜同辣酱，唔该」，点知佢就甘木囗木面，一言不发睇左一眼张单，就甘同另外一个红衫阿姐讲左一句：「唔要辣醤」，之后走左去，我听到之后，ok fine！我当我讲得唔清楚，于是我立刻补返一句：「靓女，肠粉唔要甜同辣酱，唔该」！红衫听到后亦一言不发之后做野，我心谂冇礼貌呢间野嘅特色嚟嫁？
之后到佢拎左碟肠粉嚟时，却发现佢落左甜酱，于是我开始小小火滚，但又保持礼貌及语气，又同红衫阿姐讲：「唔该，我刚才已经讲左话唔要甜同辣酱」，佢闻言后又再唔出声目无表情，一句Sorry都冇，拎走碟野，然后竟然就甘夹走沾有甜酱嘅肠粉，打算就甘俾返我！我心谂妳真好野！就喺我打算拍枱走人时，有另一个长驻在店外面档的红衫阿姐同佢耳语了几句后，夹夹下突然停左手，问我：「系咪一定一滳都唔要？」，我心谂妳都几废话下㖞！我接受到嘅话，我就唔会一开始就叫妳哋走酱啦！！见到妳D毫无歉意，面目可憎嘅咀脸讲完后，我心中虽有气，但话哂第一次嚟帮衬，事前略有听闻食评不差，于是忍一忍，霸气回覆一句：「系·呀！！」
阿姐听完后，终于放底碟「有料肠粉」，双手捽面，强作精神，再夹过另一份肠粉过嚟，不过可惜佢又漏左芝麻⋯⋯我轻叹一声，只好又又又再叫佢补回⋯⋯天呀！难度想安安静静地食返餐都甘难？！
好啦，评论一下食物吧：
肠粉：蒸的时间唔够长，略硬，味道普通。
咖哩鱼蛋：咖哩味只停留在表面，鱼蛋只有少少鱼味，失败。
牛腩：一个字——硬！味道尚可。
豆卜同米线：普通质素，乏陈可述。
汤底：我系剔选牛腩汁，但佢又发紧梦，俾错辣汁！辣味无层次，欠辣香！失败！
最后亦不得不提，清洁阿姐同疑似老板嘅阿叔，拎住个充满臭味嘅污糟下栏桶，拎出拎入兼捧在我的eye level位置，迫我同其他食客去闻！一D卫生都冇！而早前落单嘅冻檬茶到离开时，也没有出现过！
在人流不多，绝非繁忙的时段下，居然可以接二连三发生如此多错误，而错误不止从一人发生，而是过半数店员，作为一个老板及管理者，治理能力相当有问题！责无旁贷！希望能迅速改善！
张贴
