影片
更多
2022-08-16
10 浏览
朋友知道我钟意食车仔面，今日就带我嚟食佢平时食开嘅一间性价比极高嘅餐厅😃自己试完真系好得！所以推荐俾大家👍🏻一入餐厅个感觉已经几好，地方唔大但系够光猛，枱与枱都有足够嘅空间🫶🏻两边墙身都有特色嘅油画，睇得出好有心思，非常eyes catching。餐牌亦玩味十足，啲𩠌名改得好得意，而且真系性价比极高，$41三𩠌加面，绝对系粮尾之选🤩我哋因为都肚饿，所以除咗一人一碗面之余再加多两个小食😆炸一口韭菜饺，凉拌糖心皮蛋。韭菜饺绝对不是一口🤪非常大嘅五只，炸得好香口又juicy，好正！凉拌皮蛋就不过不失，正常口味。终于要讲主角车仔面，我𠮶碗总共有四𩠌😎 炸虾卷，萝卜，牛丸，瑞士鸡翼，米粉底。每样𩠌都好大份，尤其是鸡翼，大只之余仲好入味，重口味人士一定中意。萝卜都一样，焖得好软绵，清甜，配埋自家制菜脯，真系好满足。朋友就加钱叫咗蕃茄汤底，我试咗个汤头都觉得唔错，略为咸咗少少，不过就够晒多蕃茄粒粒，佢最推介嘅配料就系猪红仲有猪颈肉，两样都入味到不得了，下次我都要叫嚟试下😆总括嚟讲，价钱贴地，份量十足，平时加配𩠌嘅价钱一定会分等级，呢度通通都系$9，所以真系唔会心痛可以叫多几样，另外除咗价钱，味道都好
一入餐厅个感觉已经几好，地方唔大但系够光猛，枱与枱都有足够嘅空间🫶🏻两边墙身都有特色嘅油画，睇得出好有心思，非常eyes catching。餐牌亦玩味十足，啲𩠌名改得好得意，而且真系性价比极高，$41三𩠌加面，绝对系粮尾之选🤩
我哋因为都肚饿，所以除咗一人一碗面之余再加多两个小食😆炸一口韭菜饺，凉拌糖心皮蛋。韭菜饺绝对不是一口🤪非常大嘅五只，炸得好香口又juicy，好正！凉拌皮蛋就不过不失，正常口味。
终于要讲主角车仔面，我𠮶碗总共有四𩠌😎 炸虾卷，萝卜，牛丸，瑞士鸡翼，米粉底。每样𩠌都好大份，尤其是鸡翼，大只之余仲好入味，重口味人士一定中意。萝卜都一样，焖得好软绵，清甜，配埋自家制菜脯，真系好满足。
朋友就加钱叫咗蕃茄汤底，我试咗个汤头都觉得唔错，略为咸咗少少，不过就够晒多蕃茄粒粒，佢最推介嘅配料就系猪红仲有猪颈肉，两样都入味到不得了，下次我都要叫嚟试下😆
总括嚟讲，价钱贴地，份量十足，平时加配𩠌嘅价钱一定会分等级，呢度通通都系$9，所以真系唔会心痛可以叫多几样，另外除咗价钱，味道都好重要，呢度两样都做到🥹一定会再帮衬。
张贴
