臨家麵館

营业中

休息中

荃湾呢条街一向多野食，行过见到呢间食台南面，喺香港真系好少见有台南菜，价钱唔算贵，所以入去试吓。台南盐酥鸡即叫即炸，热辣辣，食落好正宗嘅台湾味道，外皮脆卜卜，入面d鸡肉好嫩滑，唔错。麻辣大肠大肠卤得好淋好入味，加上大量蒜头同麻辣味一齐食，好惹味。红酸汤鱼片台南扁粉红酸汤都几特别，酸酸地，又几鲜味，汤底入面仲有好多蕃茄，菇同肉碎，都几足料，而d鱼片非常嫩滑，份量都几多。崩沙腩沙茶面我地要咗台湾面底，d面好烟韧，吸收埋汤底嘅味道，好好味，个汤底味道非常浓郁，好香沙茶味，而崩沙腩煮得好淋好入味，肥瘦均匀，正。