影片
更多
2018-12-16
269 浏览
肥妹仔好多时经过太子砵兰街都会见到呢一间餐厅，佢嘅外貌睇落去好似食中菜，因为佢嘅装修好中式化，充满古色古香，但系原来揭开佢嘅menu睇系食西餐嘅，咁样真系吸引到肥妹仔去试一试啦。荔枝芒果热情果茶 $40呢一杯可茶饮落去好香荔枝芒果同热情果味，真心觉得调得不错。云呢拿朱古力 $36同行嘅朋友怕冻所以叫咗杯热朱古力饮。 佢嘅朱古力味亦算香浓。热柠檬茶 $28露笋温泉蛋沙律 $98呢一个露笋温泉蛋沙律入面有沙律菜，鲜嫩嘅露笋，再加上一只温泉蛋，淋上沙律醋，食落去味道好夹好fresh，沙律菜新鲜，露笋煮得刚刚好。烟三文鱼莎乐美肠pizza $128呢一个pizza饼底做得不错，系薄身饼底，食落去唔一啲都唔厚粉。而佢嘅烟三文鱼同莎乐美肠分量都几多，每一啖pizza都食到三文鱼同沙乐美肠嘅味道， pizza焗得香脆可口。龙虾忌廉汁意大利饭 $108佢嘅意大利饭煮得刚刚好，唔会太淋，亦都唔会太硬。而佢嘅龙虾忌廉汁煮到好creamy，好香白汁味，每一粒饭都沾上忌廉汁，食落去好smooth好silky， 龙虾汁味亦都好浓。配料有青口，大虾，带子，八爪鱼等等，非常多料，而且每一种海鲜都好新鲜。蒜
肥妹仔好多时经过太子砵兰街都会见到呢一间餐厅，佢嘅外貌睇落去好似食中菜，因为佢嘅装修好中式化，充满古色古香，但系原来揭开佢嘅menu睇系食西餐嘅，咁样真系吸引到肥妹仔去试一试啦。
荔枝芒果热情果茶 $40
呢一杯可茶饮落去好香荔枝芒果同热情果味，真心觉得调得不错。
云呢拿朱古力 $36
同行嘅朋友怕冻所以叫咗杯热朱古力饮。 佢嘅朱古力味亦算香浓。
热柠檬茶 $28
露笋温泉蛋沙律 $98
呢一个露笋温泉蛋沙律入面有沙律菜，鲜嫩嘅露笋，再加上一只温泉蛋，淋上沙律醋，食落去味道好夹好fresh，沙律菜新鲜，露笋煮得刚刚好。
烟三文鱼莎乐美肠pizza $128
呢一个pizza饼底做得不错，系薄身饼底，食落去唔一啲都唔厚粉。而佢嘅烟三文鱼同莎乐美肠分量都几多，每一啖pizza都食到三文鱼同沙乐美肠嘅味道， pizza焗得香脆可口。
龙虾忌廉汁意大利饭 $108
佢嘅意大利饭煮得刚刚好，唔会太淋，亦都唔会太硬。而佢嘅龙虾忌廉汁煮到好creamy，好香白汁味，每一粒饭都沾上忌廉汁，食落去好smooth好silky， 龙虾汁味亦都好浓。配料有青口，大虾，带子，八爪鱼等等，非常多料，而且每一种海鲜都好新鲜。
蒜香蚬肉露笋白酒煮意粉 $98
每一次肥妹仔如果见到都一定会嗌嘅意粉，佢嘅蒜香白酒汁超浓，超好食，每一条意粉沾上蒜香白酒汁，食得出好香嘅蒜香味，蚬肉肉质都算大只新鲜。
安格斯t骨扒 $380
万众期待嘅安格斯t骨扒，配料有薯角，洋葱圈同新鲜沙律菜。我哋叫咗五成熟，安格斯t骨扒肉质非常嫩滑，好香牛味，而且佢嘅熟嘅程度拿捏得刚刚好，唔会煮得太柴。
黑加仑子青柠薄荷 $36
珍宝带子墨汁意粉 $108
肥妹仔我其实对墨鱼汁系有一种情意结，因为肥妹仔之前食过一个墨鱼汁意粉系好香海鲜嘅味道，而今次呢一个墨汁意粉亦唔差，真系有墨鱼𠮶种独特嘅鲜味，而佢嘅带子好大只，好厚身，煎得香脆，食落去啖啖肉，意粉煮得刚刚好，软硬适中。
张贴
