十二味 (D2 Place TWO)

营业中

休息中

近呢一年十二味开到成行成市，差唔多每一区都见到佢。因为唔系好食得辣，所以之前都冇试过呢种四川菜。见系返工附近开咗一间，所以专登夜晚嚟试吓。回锅肉入边有猪肉片韭菜同埋莲藕，睇个卖相就知道炒得好靓，色香味俱全。可以辣度，唔辣都得。酱汁味道丰富，猪肉片炒到好有咬口，莲藕亦都好爽口。干锅自己拣五种或以上嘅食材，今次拣咗椰菜花薯仔莲藕猪颈肉同埋牛柏叶。超级大碗，够几个人食。同样有得拣辣度，会种食材都走过油，所以好香口。个人觉得椰菜花最好食，爽口得来椰菜花亦都吸晒啲酱汁。薯仔都唔错，好软冧。始终川菜味道比较偏浓，所以喺落单嘅时候可以选择少油少盐。