古早台居

营业中

休息中

第一次去Airside个food court度食嘢，人流多亦难揾位。见到近入口有呢一间台湾嘢谂住试吓咁啦。睇餐牌啲相正正常常咁，就嗌咗个盐酥鱿鱼肉燥饭，加个台式饮品。个饭嚟到已经吓一跳，完全唔系盐酥鱿鱼个样，个炸皮厚到成块面包皮咁，仲要唔脆得个硬字，亦都完全冇椒盐味，好难食。未讲完，炸皮入边嘅鱿鱼细到摄牙罅都唔够，大家可以睇吓张相，唔讲以为今日我生日呀咁大条。同埋我已经系一出餐即刻攞都可以摊到冻晒咁。戏肉嚟啦，杯嘢饮叫芝士苺苺，谂住都系果汁类实冇死啦。哗饮一啖吓死，唔讲以为饮紧牙膏，𠮶浸化学味同细个用啲水果味牙膏一模一样，个奶盖都得个甜字完全唔好饮。重点系呢支野竟然跟餐都要加$20，最后呢餐咁嘅嘢竟然都要成$80🫨🙏🏼。