口福小廚

营业中

休息中

口福小厨，我之前已经帮衬过好几次，一直保持水准，我今次就试咗椒盐鸡翼饭，我由落单到取饭，等咗差唔多有20分钟，但呢度嘅出品真系可以令到你(妳)心甘情愿去等，因为真系好食，而且份量非常之多，椒盐鸡翼饭＋冻饮都系$40蚊，抵到烂！椒盐鸡翼饭真系相当香口，有大量红甜椒圈、洋葱丝、炸蒜头等，鸡中翼炸得非常香脆，肉质好嫩滑有肉汁，饭粒分明而又份量多，杯冻柠茶够哂茶味，柠檬片落得足够，酸度啱啱好我，又够冻，非常醒神解渴，真系相当满足嘅一餐！备注：嚟呢度帮衬有几样嘢需要注意，先比钱，后取食物，要自己揾位用餐，等候取食品嘅时间随时超过20分钟，下午两点后直至五点几应该系落场时间，店舖会关门，星期六、日有可能系休息日，假日尽量避免前往该舖(因为有可能摸门钉，需要注意)。