花墟茶餐廳

营业中

休息中

如果一早嚟太子，我都会喺呢间茶餐厅食早餐，平时繁忙时间呢度都几多人（似乎好多都系熟客），一定要搭枱。今日十点几行过见冇乜人，谂住入嚟食个早午餐，叫咗早餐牌上嘅鸡扒米线。平时早餐时间食啲鸡扒新鲜炸，外面脆、入面嫩，好好食。今日叫咗鸡扒米线配双炒蛋、热鸳鸯同多士走油。卖相唔错，不过可惜入口就完全唔一样。今日啲鸡扒好肥，要去皮同埋切走啲肥膏，仲有啲米线涨哂，好似煮咗或者浸咗好耐，淋到「入口即溶」🤣，可能有啲人会钟意咁淋，不过我就觉得麻麻。炒蛋同平时差唔多，不过如果你想要熟啲，记住落单𠮶阵讲埋。今日块多士一定唔系即烘，平时又热又脆，今日又冻又淋又靱，可能到放咗一段时间。😢好彩杯嘢饮仲好okay。今日呢餐有啲令人失望，以为非繁忙时间会好啲，点知原来唔系。不过$39咁嘅份量就抵食嘅。